Teithiau tywys

Yn dilyn poblogrwydd ein rhaglen o weithgareddau eleni, byddwn yn cynnig ychwaneg o deithiau tywys yn Ardudwy yn ystod 2008-2009. Byddant yn amrywio o deithiau hawdd, hanner diwrnod i edrych ar dirwedd Ardudwy i deithiau hirach yn yr ucheldir. Byddwn yn dysgu sut i ddehongli'r dirwedd hanesyddol a diwylliannol a chydnabod effaith newidiadau cymdeithasol a hinsawdd arni. O Fedi ymlaen, byddwn yn arwain grwpiau bychain, aelodau o gymdeithasau neu glybiau yn hytrach na nifer o unigolion. Mae pob taith yn yr ucheldir yn ddibynnol ar dywydd da.

Ymweliad ag eglwys Llanfihangel-y-traethau

Tywysir y daith hon gan y Parchedig Robert Hughes ac mae'n gorffen gyda the prynhawn yng Ngwesty Tregwylan, Talsarnau.